Hæ hæ. Leiddist svolítið í dag, hef verið að hugsa um þetta mikið og skellti þessu því saman. 

Málefni sem dúkkar upp aftur og aftur í kristilegu umhverfi er staða leiðtoga og valdsvið þeirra. Stundum líðast hlutir í kirkjum, valdníðsla, einelti eða fjárhagsleg fásinna, á þeirri forsendu að maður eigi ekki að gagnrýna þá sem eru í þjónustu Guðs. Mér hefur alltaf fundist það vera svolítið á skjön við Guðs orð að fólk geti hagað sér á hátt svo fjarlægan því hvernig Jesús var, en það megi ekki gagnrýna það vegna þess að það sé í þjónustu hans.

Ég hef mikið verið að hugsa um þetta undanfarið, hef eiginlega komist að niðurstöðu fyrir sjálfan mig útfrá nokkrum versum í Nýja Testamentinu.

Vers sem fólk vitnar stundum í er 13 kafli Rómverjabréfsins.

1.Sérhver maður hlýði þeim yfirvöldum, sem hann er undirgefinn. Því ekki er neitt yfirvald til nema frá Guði, og þau sem til eru, þau eru skipuð af Guði.
2. Sá sem veitir yfirvöldunum mótstöðu, hann veitir Guðs tilskipun mótstöðu, og þeir sem veita mótstöðu munu fá dóm sinn.

 

Röksemdin er þá sú að öll yfirvöld, á öllum stigum þjóðfélagsins, frá fjölskyldum til alþingis, séu skipuð af Guði. Ef ég nokkurntímann stend því gegn nokkru yfirvaldi er ég í óguðlegri uppreisn.

            Þessi skilningur fellur eiginlega um sjálfan sig um leið og maður skoðar versið nánar, þegar maður les áfram kemur strax í ljós að hér er Páll að tala um borgaraleg yfirvöld, rómarveldi í þessu tilfelli. Maður þarf ekki nema að lesa 12 kafla bréfsins til að sjá að þau verk sem eru hér eignuð ríkinu er verk sem kristnir eiga ekki að stunda. Orðin sem eru hér notuð um yfirvöld eru eingöngu notuð um veraldleg yfirvöld. Maður þarf sennilega ekki að taka það fram að Rómarríki var fjarri því að vera einhvert lýðræðislegt velferðarríki sem lagði áherslu á mannréttindi. Þetta er í raun tilvísun í kennslu Gamla Testamentisins um að Guð geti notað óguðlegar þjóðir til að gera sinn vilja.

 

            Kristinn kirkja er ekki einhver valdastofnun, í Nýja Testamentinu sér maður kirkjuna mikið frekar sem lifandi fyrirbæri, samfélag fólks. Í Lúkasi 22 lesum við:

24.Og þeir fóru að metast um, hver þeirra væri talinn mestur.
25. En Jesús sagði við þá: Konungar þjóða drottna yfir þeim og valdhafar þeirra kallast velgjörðamenn.
26. En eigi sé yður svo farið, heldur sé hinn mesti yðar á meðal sem væri hann yngstur og foringinn sem þjónn.
27. Því hvort er sá meiri, sem situr til borðs, eða hinn, sem þjónar? Er það ekki sá sem situr til borðs? Samt er ég meðal yðar eins og þjónninn.

 

            Jesús tekur það skýrt fram að kirkjan virkar ekki eins og mannlegt konungsríki, leiðtogar eiga ekki að hegða sér eins og kóngar eða valdsmenn, heldur þjónar í anda Jesú Krists.

Matteus 23:10

10.Þér skuluð ekki heldur láta kalla yður leiðtoga, því einn er leiðtogi yðar, Kristur.
11. Sá mesti meðal yðar sé þjónn yðar.

 

            Jesús er mjög skýr, hann kom ekki til að stofna kirkju i anda konungsríkja heimsins. En hversvegna eru þá “leiðtogar” í kirkjum? Er það ekki and-Biblíulegt?

 

            Mér finnst þetta útskýrt ágætlega í Efesusbréfinu 4 kafla:

7.Sérhverjum af oss var náðin veitt eftir því, sem Kristur úthlutaði honum.
8. Því segir ritningin: Hann steig upp til hæða, hertók fanga og gaf mönnunum gjafir.
9. En steig upp, hvað merkir það annað en að hann hefur einnig stigið niður í djúp jarðarinnar?
10. Sá, sem steig niður, er og sá, sem upp sté, upp yfir alla himna til þess að fylla allt.
11. Og frá honum er sú gjöf komin, að sumir eru postular, sumir spámenn, sumir trúboðar, sumir hirðar og kennarar.
12. Þeir eiga að fullkomna hina heilögu og láta þeim þjónustu í té, líkama Krists til uppbyggingar,
13. þangað til vér verðum allir einhuga í trúnni og þekkingunni á syni Guðs, verðum fullþroska og náum vaxtartakmarki Krists fyllingar.

 

            Það er of langt mál að fara að alveg ofaní saumana á þessum versum. Ritningin sem Páll vitnar í er helgigöngusálmur (sálmur 6, sem var sunginn á leið til musterisins, eflaust í tengslum við einhverja hátíð. Myndin sem er gefinn er af því þegar her snýr aftur úr unninni orrustu með herfang. Menn voru gjarnan teknir herfangi og gefnir til að vera þrælbundnir þjónar. Það ræður ekki úrslitum um hvernig við skiljum þessa tilvísun að sálmurinn er helgigönguljóð, en vegna þess að í Efesusbréfinu er kirkjan sögð vera Musteri Guðs er það sérstaklega áhugavert. Þeir þjónar sem eru nefndir hér í versi 11 eru gjöf Guðs. Menn teknir herfangi til að þjóna kirkjunni. Þeir eiga ekki kirkjuna, það væri nær að segja að kirkjan ætti þá, alveg eins og Levítarnir í Musterinu voru helgaðir þjónustu sinni. Þeir máttu ekki einu sinni eiga land, því Guð var þeirra hlutskipti.

 

            Í kirkjunni eru því hirðar og “leiðtogar,” en þeir eiga að þjóna fólkinu, ekki fólkið þeim. Það þýðir ekki að þá eigi ekki að virða, eða að maður megi bara skipa þeim fyrir því þeir eru þjónar. Gott dæmi er þetta vers:

Hebreabréfið 13

17.Hlýðið leiðtogum yðar og verið þeim eftirlátir. Þeir vaka yfir sálum yðar og eiga að lúka reikning fyrir þær. Verið þeim eftirlátir til þess að þeir geti gjört það með gleði, ekki andvarpandi. Það væri yður til ógagns.

 

            Munurinn á kirkjunni og konungsríkjum heimsins er sá að “leiðtogarnir” eru þjónar, ekki kóngar. Það er líka munur á því hvernig maður áfleiðingar þess að einhver fá “stöðu” innan kirkju. Okkur er ekki sagt að vera eftirlát leiðtogum okkar vegna þess að þeir séu í yfirvaldsstöðu og okkur beri að lúta öllu yfirvaldi, nei okkur er sagt að skilja að þeir bera mikla ábyrgð. Það er ekki vegna þrælsótta heldur vegna þess að maður metur þá ábyrgð sem “leiðtoginn” ber sem maður reynir að auka ekki á erfileika hans. Takið samt eftir því að hér er það tekið sérstaklega fram að leiðtogarnir þurfa að lúka reikningi fyrir því sem þeim er treyst fyrir, ógnvænlega mikil ábyrgð.

            Það er einmitt vegna þessa, hversu mikil ábyrgð er fenginn þeim sem eru “leiðtogar” sem við eigum ekki að vera hrædd við að gefa álit okkar eða láta það í ljós ef okkur sýnist leiðtogi vera að fara afvega. Hann ber gríðarlega ábyrgð. Ef leiðtoginn fer að hegða sér andstætt kenningu Jesú Krists, eða fer að láta eins og einhver kóngur, þá ber okkur skylda, leiðtogans vegna, að vara hann við. Ef ég væri í þeim kringumstæðum að gera eitthvað jafn alvarlegt og að misnota leiðtogastöðu vildi ég að einhver kæmi og áminnti mig svo ég ætti færi á að iðrast.

 

Þetta kemur fram í sæmilegu samhengi saman í fyrra Pétursbréfi.

1. Pétursbréf 5:
1. Öldungana yðar á meðal áminni ég, sem einnig er öldungur og vottur písla Krists og einnig mun fá hlutdeild í þeirri dýrð, sem opinberuð mun verða:
2. Verið hirðar þeirrar hjarðar, sem Guð hefur falið yður. Gætið hennar ekki af nauðung, heldur af fúsu geði, að Guðs vilja, ekki sakir vansæmilegs ávinnings, heldur af áhuga.
3. Þér skuluð eigi drottna yfir söfnuðunum, heldur vera fyrirmynd hjarðarinnar.
4. Þá munuð þér, þegar hinn æðsti hirðir birtist, öðlast þann dýrðarsveig, sem aldrei fölnar.
5. Og þér, yngri menn, verið öldungunum undirgefnir og skrýðist allir lítillætinu hver gagnvart öðrum, því að Guð stendur gegn dramblátum, en auðmjúkum veitir hann náð.
6. Auðmýkið yður því undir Guðs voldugu hönd, til þess að hann á sínum tíma upphefji yður.

 

            Aftur sjáum við að viðhorfið er ekki það að leiðtoginn sé skrýddur einhverju valdi með því að vera kallaður öldungur. Öldungur er í raun frekar almennt orð um einhvern sem er leiðtogi, eins og maður sér í Gamla Testamentinu. Í Sýnagógum voru öldungahópar sem leiddu söfnuðina. Ég legg það í dóm þeirra sem lesa að ákveða hvort þeim finnist það vera teygjuæfing á textanum að segja að 5. vers tali frekar gegn uppreisnarsömuviðhorfi, að maður eigi almennt að vera auðmjúkur og aftur bera virðingu fyrir því að starf leiðtogans er ekki auðvelt. Sjötta vers á svo við okkur öll, leiðtoga og leikmenn, við eigum öll að auðmýkja okkur undir Guðs hönd.

 

            Leiðtogi og höfuð kirkjunnar er Jesús Kristur, hann er hirðirinn sjálfur, þeir sem þjóna í kirkju hans dæmast í ljósi hans. Ekki er lærisveinninn meistaranum fremri, lærisveinninn á að verða eins og meistarinn. Mér finnst Páll postuli lýsa þessu viðhorfi þegar hann segir við Korintumenn í 1 Kor. 11:1 “Verið eftirbreytendur mínir eins og ég er eftirbreytandi Krists.” Páll segir ekki “hlýðið mér því ég er postuli,” hann ver reyndar postuladóm sinn með kjafti og klóm í 2. Korintubéfi. Hinsvegar þegar hann reynir að fá Korintumenn til að hlusta á sig, því það voru einstaklingar í söfnuðunum sem vildu útiloka Pál, vísar hann ekki til stöðu sinnar, heldur til lífs síns og sambands við Korintumenn. 1 Korintubréf 4:15 “Enda þótt þér hefðuð tíu þúsund fræðara í Kristi, þá hafið þér þó eigi marga feður. Ég hef í Kristi Jesú fætt yður með því að flytja yður fagnaðarerindið.”

 

            Mér sýnist á þessum versum að viðhorf Nýja Testamentisins til leiðtoga sé sú að þeir séu þjónar, ekki “leiðtogar” að hætti heimsins. Þeir bera ábyrgð, á þeim hvílir svo sá þungi að sýna að þeir séu verðugir þess að bera slíka ábyrgð. Við lesum í Hirðabréfunum um þær kröfur sem gerðar eru til þeirra sem vilja vera leiðtogar. Tímóteusi er sagt að leggja kapp á að reynast hæfur (2. Tím. 3:15). Guð gefur kirkjunni þjóna sem hann hefur kallað og helgað til þjónustu, hann gaf kirkjunni ekki frábært skipulag með þrælgóðu kerfi með fullt af stöðum sem við bara þurfum að manna. Það að einhver hafi stöðu hirðis þýðir ekki endilega að viðkomandi sé hirðir. Ef Guð hefur gert einhvern að hirði og sá aðili þjónar kirkjunni þannig mun það vera augljóst á starfi hans að hann er hirðir, auðvitað er enginn fullkominn, þessvegna er það mikilvægt að við séum örugg á því hvað ritningarnar segja um þjóna kirkjunnar. Hvernig við hugsum um þjónustu, stöðu og skyldur þjónanna getur haft mjög víðtæk áhrif.

 

            Í mínum huga mála þessi vers mynd af því hvernig við ættum að hugsa um og eiga í samskiptum við þjóna Guðs. Mér sýnist okkar hlutverk vera að muna eftir því að biðja fyrir þeim sem þjóna, og muna að þeir bera mikla ábyrgð, gera það sem við getum til að styðja við bakið á þeim og ef svo fer að þeir fara útaf sporinu, gera það sem við getum til að áminna þá í kærleika.

 

            Ef það eru vers sem virðast stangast á við þetta eða skipta almennt miklu máli en ég hljóp yfir, endilega kommenta.

 

Guð blessi ykkur

Helgi.

Halló krakkar... Ákvað að setja þetta inn með góðum fyrirvara, en helgina 16.mars verður hið árlega Marsmót upp í koti Youthstorm verður með okkur og koma 6 aðilar frá þeim. Það eru margir búnir að bíða speeeeeenntir eftir þessu móti og mikil eftirvænting er í krökkunum Svo endilega takið þessa helgi frá því við ætlum að eiga yndislegann tíma saman Mótið mun líklegast kosta 6000kr og er þá gisting, matur og rúta innifalin. Við ætlum að hafa hressa kvöldvöku og þið megið endilega koma með skemmtiatriði og hugmyndir fyrir hana. Biblíuskólinn mun að mestu leyti vinna að mótinu til þess að þjóna ykkur kæru unglingar En það sem þið megið endilega gera er að bjóða vinum ykkar með og byðja fyrir mótinu og fólkinu sem kemur. Ég veit að ég þrái allavega að sjá Guð starfa sterkt og hrista upp í unglingastarfinu okkar, en það er undir okkur komið að biðja um það...ekki satt ? Vonandi hafið þið góða daga framm undan Guð blessi ykkur kv Guðrún Marta

Góða kvöldið indislega fólk

Mér datt í hug að koma með e-ð nýtt blóð í þessa síðu og hef því ákveðið að tjá mig. Eins og margir vita er okkar fína biblíuskóla fólk í Eistlandi sem stendur að stunda trúboð og er þeirra sárt saknað! Þannig að næsta samkoma verður í umsjón Shouts of Deliverance og Hafsteins Má og ég held bara að það verði eitt stykki stórkostleg samkoma =D vona bara svona ykkar vegna að þið mætið.

en núna As we speak eru íslendingar að rústa dönum....AMEN
vonum bara að það halfist næstu 1 mínútuna og 20 sekúndurnar.

Annars held ég bara að flestum lýði og gangi vel og ef ekki then talk to the big guy =D

Guð blessi ykkur og vonast til að sjá ykkur öll á föstudagssamkomu
kv. Harpa Rún

Hæ fólk....

Nú fer að líða að jólum og ætlum við að halda litlu jól næsta föstudag í Fíladelfíu. Við ætlum líka að eyða deginum saman og fara að skauta á Ingólfstorgi eiga góðann dag saman og horfa svo á Jólamynd. Hvet alla að koma með litla gjöf til þess að gleðja náungann, síðar um kvöldið verða pakkaskypti og við munum eiga gott kvöld saman

...nú þarf að draga framm jólabarnið í ykkur

Vildi endilega hvetja ykkur að fara á Herkvaðningu í Krossinum þessa helgi. Svo vil ég einnig hvetja ykkur að mæta á mótið sem verður næstu helgi og þar verður Stefan Cristiansen að prédika (vona að ég stafaði nafnið hans rétt). Endilega mæta og Guð blessi ykkur. Blessó kv Símon Jóh.

Kæri vinur minn

Ég verð að setjast niður og skrifa til að minna þig á nokkuð sem er mjög mikilvægt fyrir mig. Ég elska þig.

Ég sá þig í gær á tali við vini þína og mig langaði til að tala við þig líka. Ég beið allan daginn en þú hafðir aldrei samband.
Ég vonaðist til að við gætum fundið tíma til að tala um kvöldið en ég veit að þú hafðir margt annað að hugsa um. Þegar líða tók á daginn þinn sendi ég svalan andvara til að þú yrðir endurnærður eftir langan dag.
Ég lét sérstakan ilm í loftið frá blómunum við heimreiðina en ég held að þú hafi ekki tekið eftir því þegar þú hraðaðir þér fram hjá. Mér þykir leitt að þú þurfir alltaf að flýta þér svona mikið.
Ég fylgdist með þér sofna í gærkvöldi og mig langaði til að snerta andlit þitt eða strjúka hárið svo ég sendi örlítið tungsljós á andlit þitt og koddann.
Þegar þú vaknaðir í morgun vonaði ég að við gætum átt örlítinn tíma saman svo mig langaði til að flýta mér niður og tala við þig en ég hugsa að þú hafir verið of seinn í vinnuna.

Tár mín voru í regninu.
Ég á svo margar gjafir handa þér, svo mikið að segja þér, svo margt dásamlegt fyrir þig að upplifa því ég elska þig svo mikið. Þannig er eðli mitt eins og þú veist. Gerðu það talaðu við mig, biddu mig um hjálp. Ég þekki dýpstu þrár hjarta þíns og mig langar svo til að vera náinn þér. Ást mín til þín er dýpri en úthöfin, stærri en þú gætir ýmindað þér. Ég þrái að við eyðum tíma saman, aðeins við.
Það særir mig að sjá þig svo leiðan í dag. Ég skil í raun hvernig það er þegar vinir bregðast. Ég veit að hjarta þitt verkjar.
Ég ætla að hætta núna því ég veit að þú átt mjög annríkt og ég vil sannarlega ekki áreita þig . Þér er frjálst að kjósa mig "á minn hátt" eða ekki , - það er þín ákvörðun.
Ég hef þegar valið þig.
Elsku vinur vertu ekki of lengi að velja og mundu að Ég elska þig.
VINUR ÞINN JESÚS....

Já... Unglingamót er frammundan. Við erum að tala um helgina 15-18 Júni. Endilega koma á mótið. Þetta verður frábært mót. Ekki vera lengi að ákveða ykkur og skellið ykkur á mótið og endilega hvetjið aðra að fara á mótið. Þið hafið ekki nema gott af þessum mótum. Við byggjum okkur upp saman og förum frá þessu hraða samfélagi í borginni í sveitina þar sem allt er frábært og fallegt. Endilega biðja Guð um gott veður. Drögum okkur nær Guði. Allir þurfa á því að halda því að Guð er frábær!!! Ekkert er betra en Hann og biðjum Hann um að gera eitthvað stórt á þessu móti. Hver man ekki eftir seinasta móti (þeir sem mættu) hvað Guð var að vinna í mörgum og læknandi andleg og líkamleg sár hjá fólki. Gleymum ekki hvað Guð er góður og STÓR, það er ekkert sem Hann getur ekki lagað. Legðu allt þitt traust á Drottinn.Guð blessi ykkur systkyni.

Kær kveðja: Símon Jóhannesson

Unglingamótið var æði...svakalegt gegnumbrot sem varð! Fólk var mjög uppörvað Margt búið að gerast síðan og þetta heldur áfram bara

En á föstudaginn næstkomanda verður MIÐNÆTURSAMKOMA sem byrjar kl :23:00 Föstudagurinn Laaaangi..svo það verður gaman að fá smá tilbreytingu í dagskránna Hvet alla að mæta og eiga góða stund með Guði Hann er það bestasta!!

Já, þið lásuð rétt  *Unglingamót* er í mars. Þá komum við saman og lofum Guð og eigum frábæra stund saman með Guði. Þetta mót verður haldið 24 mars til 26 mars. Sjá frekari upplýsingar á filo.is   

Þetta verður magnað mót og Guð er eftir að gera magnaða hluti. Guð er bestur. Endilega allir að mæta og hvetja aðra til að mæta. Þessi mót eru algjör snilllllllld.
Kveðja Símon sá sem er yngri. Það er að segja ekki Símon Geir heldur Símon Jóhannesson. Já, eins og í Biblíunni, en ég er samt yfirleitt ekki kallaður Pétur.

Já. Þá fer að líða að því. Hafsteinn og hans hópur frá Jesus revolution eru að koma í til Íslands að halda tónleika. Hvet alla til að mæta og uppörvast og til að dragast nær Guði. Ekki gleyma að reyna að taka einhvern ófrelsaðan vin með ykkur . Sjáumst og Guð blessi ykkur alle sammen.

kv kk Símon Jóhannesson

Það er ótrúlegt hvað Guð er góður, og stundum þurfum við að læra að tryesta honum betur. Því okkur dettur stundum ekki í hug að hann getur  hjálpað okkur með hitt og þetta..honum er EKKERT um megn!!! Og ég sé það alltaf meira og meira. Þvílik forréttindi það eru að vera Guðsbarn...Hann er alltaf til staðar og hann er alltaf hjá mér... yndislegt að vita að ég þurfi ekkert að óttast, því hann verndar mig.

Engin ógæfa hendir þig, og engin plága nálgast tjald þitt. Því að þín vegna býður hann út englum sínum, til þess að gæta á öllum vegum þínum...man ekki nk hvar þetta stendur En vá!!

Guð blessi ykkur sistkyni

DAGSKRÁ FRAM  Í  MARS ER KOMIN

http://www.filo.is/65

Takk fyrir árið sem var að líða og vá hvað það verður gaman á þessu ári. Við munum gera þetta ár að frábæru ári með Guðs hjálp. Það mun margt gerast á þessu ári eins og t.d unglingamót sem verður á næstunni. Það er líka HM í fusser sem er einn aukaplús. Helgum þetta ár Guði, eða réttara sagt helgum okkur Guði. Ég hvet alla (og er ég þar enginn undantekning) að vera sönn og heil og störfum fyrir Guð. Verum ekki eigingjörn á því sem við höfum og segjum öðrum frá. Þið hafið engu að tapa því þið eigið Jesú sem er allt. Ég hvet ykkur að skrá ykkur í Nýja Kynslóð sem er Kristinlegt skólastarf og gerið eitthvað róttækt í skólanum ykkar. Við skulum ekki vera sófakristinn sem eigum Guð en gerum ekkert í því að segja öðrum frá Jesú. Við eigum að vera tilbúinn að segja frá Jesú í tíma og ótíma. Endilega byrjiði með bænastundir í skólanum ykkar, vinnunni ykkar eða hvar sem er því bænin VIRKAR.    En allaveganna verum ávalt glöð í Drottni. Ég kveð nú og ég lít með eftirvæntingu til framtíða og ég vona að þið gerið það líka. God bless.
Kveðja ímon Jóhannesson

Hæ allir saman

Vona að þið hafið haft það gott yfir jólin, verður gaman að hittast og metast um stærstu bumbuna Það styttist í brottför Elise Stelpan flýgur til frakklands og þaðan til USA, svo fer hún víst til Afríku Dugleg í trúboðinu hún Elise

 Við ætlum að leggja öll í púkk handa henni, og gefa henni pening ásamt smá gjöf frá Íslandi Þeir sem vilja blessa þessa kæru systur með 500- Milljón. Eða það sem buddan leyfir, getið lagt inná : 140-26-2353 eða látið Guðrúnu Mörtu sætu stelpuna með zoolander svipinn fá pening. Svo munum við gefa henni glaðninginn á gamlárskvöld samkomunni   

Kveðja

G.Marta

Litlu jólin verða föstudaginn 16 des. eftir unglingasamkomu í unglingaherberginu...
allir að koma með pakka,
ekki dýrari en 500 kr.

Þeir sem eiga spil, t.d Risk, Pictionary, Actionary, Fimbulfamb þá endilega að koma með þau með sér...
Þau ykkar sem finnst gaman að baka og hafið áhuga að baka fyrir okkur endilega að koma með baksturin með ykkur eða e-ð á hlaðborðið
kv. Dúna, Birna, Fanný & Thelma 

Endilega látið þetta berast... Sjáumst hress

p.s gott væri að vita hverjir gætu bakað!